［台 | 泰 混小子］
Na勒嘜累！(超可愛！)
喺熟客仔入面，佢可以話係我見過最「Na勒」(可愛)嘅一個～ 上個月明明重係要抱抱，今日已經點都要自己坐坐，唔鐘意(被)瞓低，鐘意坐起身被人睇同時睇女仔，哈哈！(將來大把前途呀！) 雖然佢媽都未識媽一聲，但係只要一個唔小心，抛一拋殺死人嘅笑容 + 一對內雙一字眼，男女老幼，無一幸免！
身處異地，異地戀嘅故事特別多，每日同一時間，同一場境。年青台媽抱住只有幾個月大，周圍發電嘅混小子走入本店。打開門第一聲Hello之時，就係小弟轉Channel爆Zeed之際。周圍泰國客人都會自然將目光投射係我哋身上。
其實不時都發生，好多客都奇怪我究竟係咩人，對韓客講韓文，對［化能］講西文；對中文人講得最興奮。有一次，一班嚟過兩三次嘅泰妹妹，問老闆娘："Pi, Ben Khun BleedTae 泥卡？" (Pi = 哥, Ben = 係, Khun = 人, BleedTae = 國家, 泥 = 哪裡, 卡 = 女性用收尾敬語)。老闆娘答完佢哋之後，全部變臉走晒，再無見佢哋出現過>< (洗唔洗哈韓到咁呀！哈哈。。。)
Search